Ka North Liberty Higher Secondary School, Mookyrdup-Jowai bad ka St. Dominic’s Higher Secondary School, Mawkyndeng ki long ki ar tyli ki skul na ri lum Jaiñtia kiba la paw shakhmat da kaba kila ïoh rung haka thup Top-10 jong ka result Higher Secondary School Living Certificate’ (HSSLC) Examination, 2024 haka Arts Streams, ïa kaba la pynbna mynta ka sngi daka Meghalaya Board of School Education (MBOSE).
Katba ka Shangpung Presbyterian Higher Secondary School bad ka St. Mary Mazzarello Girls’ Higher Secondary School, Jowai kila ïoh rung haka Top-20 jong ka Secondary School Living Certificate’ (SSLC) Examination, 2024.
U samla Fredrique Gweneth Ryngkhlem na ka North Liberty Higher Secondary School, Jowai u la wan ha ka kyrdan ba 7th Position da kaba ïoh marks ha ka English: 80, Khasi (MIL): 83, Education: 89: Geography: 84. Sociology: 90 bad ka Political Science: 73. Katba ka Monkynjailin Syngkon naka St. Dominic’s Higher Secondary School, Mawkyndeng kala wan ha ka kyrdan ba 10th Position ula ïoh marks ha ka English: 76, Alternative English: 81, Political Science: 90, Education: 91, Economics: 84 bad ka History: 63.
Ha ka Secondary School Living Certificate’ (SSLC) Examination, 2024 u Dauniwan Sajem naka Shangpung Presbyterian Higher Secondary School, Shangpung ula wan ha ka kyrdan ba 10 position da kaba ïoh marks haka English: 87, Khasi (MIL): 92, Mathematic: 96, Science & Technology: 96, Social Science: 85 bad ka Health & Physical Education: 100 naka shispah.
Katba ka Hakiru Challam naka St. Mary Mazzarello Girls’ Higher Secondary School, Jowai kala wan haka kyrdan ba 16th Position da kaba ïoh Distinction ha baroh ki subject (English: 82, Khasi: 92, Mathematics: 95, Science & Technology: 98, Social Science: 85 bad ka Health & Physical Education: 96. Na ka liang ka skul kala poi 100 percent ka jingpass jong ki khynnah skul.