Ka Medical XI ka la lah ban jam mynta sha ka Semi Final hadien ba ka la lah ban pynliem ia ka MeECL da 3-1 kol, jong ka jingialehkai phutbol Quarter Final jong ki nongtreikam sorkar kaba la tip kum ka ‘8th U Kiang Nangbah Memorial Inter Office Football Tournament-2021’ ba la pyniaid da ka Meghalaya State Government Employees’ Federation Sports Committee Jaiñtia Unit kaba la long mynta ka sngi 2 tarik ha madan Kiang Nangbah Stadium Dongmihsngi Ladthadlaboh, Jowai.
Haba phai sha ka jingiakhun jong ka kylla step kala long kaba ïakhait bha hapdeng kine ki ar kynhun namar ym don satia kiba ioh thep kol, tad haduh jong ka kylla miet u rangialehkai jong ka Medical XI u Donbok Bamon ula ioh ban pynkhih ia ka jar ba nyngkong ha ka minit ba 43 hadien kane u Nehlang Bareh u la thep ia ka kol ba ar ha ka minit ba 67.
Na ka liang ka MeECL kala pyrshang ban pynphai ia kitei ki ar kol bad ha ka minit kaba 85 u Thymmaibor Buam ula ioh ban thep ia ka shi kol na ka MeECL XI, katba hashwa ban kut jong ka jingiakhun u player jong ka Medical XI ula ioh biang ban thep ia ka kol ha ka minit kaba 80+1 bad haduh ba kut jong ka jingiakhun ka Medical XI kala jop da 3-1 kol.
Ka jingiakhun ‘Quarter Final’ lashai ka sngi 03.12.2021 kan long hapeng ka Veterinary XI pyrshah ia ka WJH Police XI, ha ka por 10 baje shiteng mynstep. Ha ka 06.12.2021 ka Soil Conservation XI pyrshah ia ka 3rd Battalion XI bad ha 07.12.2021 ka PHE XI pyrshah ia ka Water Resources XI.