U Deputy Commissioner jong ka West Jaiñtia Hills District u bah BS Sohliya, IAS, ula pynmih ïa ka hukum mynta ka janmiet ba dei ban khang khyrdep ïa baroh ki skul lashai ka sngi 28/05/2024 na ka daw jong ka jingjur slap palat bad ruh ka jingbeh jong ka erïong kaba la tip kum ka ‘Cyclone Remal’.
Kane ka jingkhang ïa ki skul ka long shi bynta ban ïada ïa ki khynnah skul na kino kino ki jingjia ba sngewsih.
Kane ka hukum harum kaba ki nongpynïaid skul baroh ki dei ban bud.
Ha ka juh ka sngi u Deputy Commissioner ka District ula pynmih hukum ruh ba baroh ki College bad ki University kiba don hapoh ki District ki dei ban khang lut lashai ka sngi.