Ka Jaiñtia Coordination Committee for Reservation Policy (JCCRP) ba kynthup ïaki saw tylli ki seng na ri Jaiñtia kata ka JSU, JYF, JSM bad JNC, ki la pynlong ïaka jingïalang hynnin ka sngi 27 tarik ha sor Jowai ban ïa pyrkhat halor ka jingpan kai phot ka sorkar lyngba ka Expert Committe ban peit khmih biang ïaka State Reservation Policy 1972.
Kumta na ka liang ka JCCRP ka la phah ïaka kyrwoh sha ki nongshong shnong ka ri Jaiñtia bad la kyrpad ïaki riew paitbah ki riew shemphang bad ki riew paw khmat na ri Jaiñtia ba kin sngewbha ban thoh lang sha ka JCCRP shuwa ba kin phah shaka Expert Committee bad la ong lada ym lah ban pynmih shibun tylli ki jingpynsngew ka lah ban wa rah pynban ïaka jingkulmar bad ka jing bym ïa sngewthuh ïaka jingdawa.
Halor kane ka JCCRP ka la ong ba lada don mano mano kiba kwah ban thoh lane ban pynsngew shaphang jingkwah ban pynkylla ïa kane SRP 1972 ba kin sngewbha ban phah lem ka jingthoh sha ka JCCRP da kaba phah lyngba kine ki Whatsapp number (7005806661, 7005264971, 6009914196) lane phah ha email – jaintiaccrp@gmail.com hapoh ka 10 tarik u bnai June shuwa ba phah ska ka Expert Committee ha shuwa ka 15 tarik u bnai June.