Ka ophis jong u District Sports Officer (DSO) West Jaiñtia Hills District, Jowai shen kan sa sdang ïa ka jingïalehkai phubol jong ki khynnah skul kaba la tip kum ka “District Level Inter School Subroto Mukherjee Cup Football Tournament, 2024” haka taïew ba ar jong u bnai Jylliew (June), 2024 ïa kaba yn pynïalehkai ha Kiang Nangbah Stadium, Jowai.
Na ka bynta ki kyrdan jong ki khynnah yn pynbynta haka Under-15 (Boys) bad ka Under-17 (Boys & Girls). Ïa ka Entry Form lah ban ïoh na katei hi ka ophis haka por ba long trei, da kaba pynpoi kloi ïa ki kyrteng jong ki Players ryngkat ka Passport Size, Photographs, Aadhaar Card, ki Birth Certificate bala ïoh na ka Municipal Board/CHC/PHC haduh ka 31 tarik u Jymmang, 2024 haduh ka por 2 baje nohphai sngi, yn ym pdiang shuh ïa kiba poi palat ïa ka por bala pynbeit.
Ïa ka Screening yn pynlong haka 3 tarik Jylliew, 2024 naduh ka por 9 waje mynstep ha Kiang Nangbah Indoor Stadium, Jowai. La pyntip ba yn shah tang 20 ngut ki Players na kawei ka kynhun. Na ka bynta ki khynnah haka Under–15 (Boys) kiba dei ban kha hadien ka 01 January, 2010. Under–17 (Boys) hadien ka 01 January, 2008 bad Under–17 (Girls) hadien ka 01 January, 2008.
Ïa ki jingtip ba kham bniah lah ban phone ha kine ki No: 9402310523/ 9774407962.