Ban ïada ïa ka Wah Myntdu ka nongbsa umbam umdih ïaka sor Jowai, u nongïalam ba hakhmat jong kawei na ki kynhun treimon sngewbha ka “Khoid Ya ka Wah Myntdu” (KYWM) u ma Khroo. L. Pariat ula pynsngew lada ka sorkar ka dang sngap jar halor ka jingshah pynjulor ka Wah Myntdu, un ujor noh shi syndon sha ka National Human Right Commission bad ban file da ka PIL sha ka ïing bishar badon burom ka Meghalaya High Court.Shuh shuh u ma Pariat ula pynsngew baka umbam umdih ka dei ka hok kynti jong ki nongshong shnong bad ka dei ka kamram jong ka sorkar ban pyndap pynbiang ïaka umbam kaba khuid ba suba bad lada ka sorkar kam lah ban leh ïa kane ka long kum ba pynïap ïaka hok ki nongshnong shnong.Ka sorkar ka dei ban peit ïa ka rukom theh khyndew pathar sha ki bynta ka Wah Myntdu na ka jingpyntrei surok na Khliehtyrshi haduh jingkieng Tre Iongriang, khnang ba u Contractor um ïoh lad ban pyntrei katba mon ïa ka kam.Kum ki nongshong shnong kiba la heh la san da ka umbam ba ïoh na ka Wah Myntdu, ngin banse ban shim ïa ka bor ha kti naka bynta ka jingsngaiñ ka jingim” lada ki bor District kim shimkhia ïa ki kam bala hukum da ka NGT, u ma Pariat ula buh ka jingkylli ïa ka sorkar bad ïa ki nongshong shnong “Hato ngi lah mo ban shna da kawei pat ka wah nalor ka Wah Myntdu?”. Ula ong manla ka hynriew (6) bnai ka dei ka kamram jong ka ophis u DC ban pynmih ïa ka hukum ban khang pyrshah ïa ki rukom pynjulor ïaka Wah Myntdu naduh ka rukom khlong shyiap, ban bret jaboh sha ki bynta ka wah lane ban shna ïa ki jingtei haka jingjngai kaba 50 mitar na ka Wah Myntdu da ka jinghukum ka NGT bad kane kam long shuh kaba thymmai.
Hynrei na ka daw ka jingwan poi jong ka um bam da kaba ktieh haduh ki thliew ïing jong ki nongshong shnong ka sor Jowai, na ka liang ki longkmie bad ki nongïalam ka Khoid Ya ka Wah Myntdu hynnin ka sngi 29 tarik u Jymmang hapdeng jong u slap ba jur kila leit mih sha DC ophis kum ka lad ban pynsngew sha ka sorkar jylla, sha ka sorkar kmie naduh ka Ministry jong ka Road & Transports Highway, sha ka Ministry of Environment & Climate Change ba kin shim ka jingkitkhlieh ban leh mardor ïa kaba donkam na ka bynta ka jingbha jingmiat jong ka Wah Myntdu.Ula ong na ka por sha ka por ka jingpyntrei ïa u surok lyngba ka Tnad PWD wat hapdeng ki kyndon bala dep pynmih manla ka 6 bnia ka loang pat kaba leh nohei khlem don kano kano ka jingshah pynshitom ïa kiba leh pyrshah. Wat na ka liang u Contractor jong ka Dhar Construction Company uba pyntrei ïa utei u surok ruh ula ïaid lait ïa kane da kaba bret pathar ïa ka khyndew.U ma pariat ula ong katkum ka jingïathuh jong ka ophis u EE ka PWD Road National Highway kane ka jingpyntrei ïa u surok ka dei na ka Central Scheme kaba long 90 klur katkum ka Estimate Tender, hynrei balei pat la ai lad ban bret pathar ïaka khyndew haka jingshisha ka Ministry kaba dei ai ïa ka Environment Clarence hashwa ban pyntrei ïa ka surok, kala ai ka jingbtah kaba yn ym ktah ïa ki um ki wah. Kum u nongshong shnong kiba pyndonkam ïa ka umbam na ka Wah Myntdu, u ma Pariat u kyntu jur ïa ka sorkar naduh ka ophis PWD, u DC, u Chief Secretary bad Myntri Rangbha ka jylla ban hukum ban khlong noh ïa ka kyndew kaba la bret pathar, kumjuh ïa u shyiap bad ka khyndew kaba tap ïa ki bynta ka pynthor neiñ bad pynthor wah.Ka jingkwah ba hakhmat duh jong ka kynhun baka Wah Myntdu ka dei ban long kumba long ha ki por mynbarim haka jingkhuid jingsuba nalor ka jingdon ki dohum bad ki dieng ki siej ha shi lynter ka wah. Kum ki nongshong shnong kin long kiba kloi ban ïatreilang bad ka sorkar na ka bynta ka jingbha jingmiat ka Wah Myntdu.Khnang ban khuid ka Wah Myndtu ka Tnad PWD Road, ka Meghalaya Pollution Control Baord bad u Contractor ba pyntrei surok mardor ki dei ban pynkhuid noh ïaka kyndew bala bret pathar, la pynsngew u ma K.L Pariat wat ka Wah Mynkrem ruh kala shah tap lut haka khyndew bad la dei ban pynkhuid ïa kane, kumjuh ïa ki tyllong um kiba la shah khang lynti na ki jaka mih ban poi sha ka Wah Myntdu.