Ka Jaintia Hills District Chess Association (JHDCA), Jowai kan sa pynlong ïa ka Jaintia Hills District Chess Competition cum State B Chess Competition ka ban long ha ki ar sngi lynter kata ha ka 7 bad 8 tarik u bnai June 2024.
Ïa kane ka lympung yn pynlong ha Thomas Jones Synod College, Jowai.
Kumta kino kino kiba kwah ban ïashim bynta ha kane ka lympung ki lah ban ai kyrteng da kaba phone ne WhatsApp ha ki mobile number 8974560098, 8837212840 lane 9089727927.
Ïa ki nongjop yn ai prize da ka song pisa, ryngkat ka Trophy bad ka Syrnot. Kan don ruh ka prize ba kyrpang na ka bynta ki khynnah bad ki kynthei.
Ym donkam ban siew bai rung ha kane ka lympung (Free Entry Fees).
Kane ka long katkum ka jingpyllait khubor na u President ka seng u ma P. Lhuid.