Shi bynta na ka jingïaid beit ïaidryntih ka rukom ïaid jong ki kali ki motor ha ka sngi ñiew Vote jong ka Lok Sabha Election 2024 ka ban long haka 4 tarik u bnai June, 2024. Na ka liang ka tnad Pulit lyngba ka ophis u Superintendent of Police, West Jaiñtia Hills District, Jowai ula pynbna ïa ki jaka ba long No Entry Zone ha katei ka tarik naduh ka por 7 baje mynstep shaneng.
La buh NO ENTRY ha Thomas Jones Junction ban rung sha D.C Office, NO ENTRY ha Tpep-Pale sha Iawmusiang, NO ENTRY na Mission Compound Road sha Iawmusiang/D.C Office. NO ENTRY ha H.K. Singh sha D.C Office. NO ENTRY ha Dawki Stand sha D.C Office.
Baroh ki kali ba wan na liang Riatsatsim kin hap ïaid sha Mynthong (District Library). Ki kali ba wan na Khimmusniang/Jrisaleiñ kin rung na u surok Chutwakhu road. Katba ki kali ba wan New Hill /Shillong Road kin ïaid sha Kynruh Saphlang bad Thomas Jones.
Ha ka 04/06/2024 baroh ki saw tylli ki jaka pynïeng kali (parking lots) ba don ha Iawmusiang, ym shah shuh ban pynïeng kali paidbah naduh ka por 7 baje mynstep shaneng.