Dawa sospon ia ki Chowkidar ba don duty
Ka seng ki nongkhaii Jaintia Tribal Traders Association (JTTA) ka dap da ka jingsngewsih kaba khraw ban tip ba ka Iaw Thymme kaba don ha Lad Stadium Jowai kala kem ding hynnin ka miet ha ka por kumba 6:00 haduh 6:30 PM, kaba la wanrah ka jingduh kaba khraw ia ki trai dukan ne ki nongshong iew basa ha katei ka ïew.
Na ka liang ka JTTA ka phah ia ka khubor sngewlem da kaba buh ka jingduwai ha u Blei Kynrad ba un pyntngen ia ka mynsiem jong kitei ki trai dukan bad ba un theh ka jingkyrkhu kyrdoh ia kito ki trai dukan baroh ba kin namg kiew biang sa shisien ha ka kamai ka kajih jong ki kumba kyrhuh ki tylliej ding ba rhem.
Ka seng ka pynrem jur ia kiba don kti ha ka ban thang ia katei ka iew, ha ka juh ka por ka seng ka dawa na ka District Council ban wengkam shipor ia ki Chowkidar kiba don duty ha katei ka por, namar ka jingbym shim khia jong ki iala ka kamram. Ka seng ka pynpaw ruh ba ym dei tang ka jingpluh ding kane ka iew hynrei ka shait jia manla ka por ka jingshah kyndang jong ki dukan jong ki nongshong iew, hato kine ki Chowkidar ki don shaei? la buh jingkylli ka seng.
Kumta ka JTTA ka ban jur ia ki bor pyniaid jong ka JHADC ba ki dei ban sospon beit ia kitei ki Chowkidar khnang ba kum kane ka jingjia kan ym jia shuh nangne shakhmat. Kane ka long katkum ka jingpyllait khubor jong u President ka JTTA u ma I. Najiar.
