Hadien ba la kut ka aiom treikam jong ki Nongtrei Balang ka Catholic Management Committee (CMC) Newhill-Ladthadlaboh bad Caroline,ki parabangeit jong kane ka CMC ha ka jingialang kaba la long ha iing jong ka Kong Oisibon Lyngdoh kane 7 tarik November 2021,ki la jied ia ki Nongkitkam bathymmai na ka bynta arsnem (2022-2023) jong ka CMC Newhill-Ladthadlaboh bad Caroline kiba kynthup, ia u ma Gregory Dkhar uba long ruh kum u Chairman Cum Rangbah Balang, ma Chewanki Phawa General Secretary,ma Kolon Sari, Assistant Secretary, ma Damian Lamin Finance Secretary, ma Adelbert Passah,Liturgy & Publicity Secretary,kong Medaline Dkhar Statistician, kong Adalin Bareh Custodian bad ma Albinus Suchen bad kong Jacinta Dkhar kum ki Auditors.
Ha kane ka jingpynthymmai Nongkitkam la jied ia u bah Jeo Marbaniang kum u Rangbah Balang, kong Delphina Paswet kum ka Kmie Balang,ka Balang Ladthadlaboh, ma K. Laurence Pohsnem kum u Rangbah Balang bad kong Rihun Nongrum, kong Meristila Dhar bad kong Yoowanka Sari,kum ki Kmie Balang Newhill katba ka kong Jesima Dhar,kum ka Kmie Balang jong ka Balang Caroline.
Ia kine ki Nongkitkam bathymmai jong ka CMC Newhill-Ladthadlaboh bad Caroline la pynkupbor ia ki ban treikam da u Parish Priest ka Jowai, Phadar Hilarius Lamare, uba long ruh u Vicar General ka Jowai Diocese ha kane ka 21 tarik Naiwieng 2021, ha Iingmane ka St. Theresa, kaba long ruh ka Iingmanebah (Cathedral) jong ka Jowai Diocese katba ym pat dep ban shna ia ka Cathedral kaba dangiaid ha ka jingtrei shait shait ban pyndep ia ka.