Ka seng All Jaintia Poultry Farmers Traders Association (AJPFTA) mynta ka sngi (7-12-2021) kala pynlong iaka jingialang bah ne ka General Meeting da ka jing iawan iashim bynta ki nongri bad nong khaïi syiar na kylleng ki shnong naduh East bad West Jaintia Hill’s District.
Mynta ka sngi ka seng kala ioh ban ia kren bad ia phylliew jingmut lang naduh ka jingeh ki nongri syiar ka thaiñ kiba long ki trai ri trai muluk bad ruh ka jingeh jong ki nong khaïi wholesaler ha kaba ka seng kala iatai sani bha halor kane ka kam bad da kawei ka sur ka seng kala rai ban iatreilang da kawei ka sur bad da kawei ka jingmut hapoh ka lama ka Association khnang ba kino kino ki jingeh kiba ki nongri bad nong khaïi syiar kiba long ki trai jylla ki iakynduh ne mad yn lah ban ia pynbeit da ka jing iasnohkti lang baroh.
Mynta ka sngi ka seng kala jied bad pynskhem ruh ia ki nong kitkam ba pura jong ka da ka jingiarai lang baroh kiba wan iashim bynta lang ha kane ka meeting.
Ki nongkitkam ba pura ka seng ki long kumne harum:-
(1) President- Mr. Westerly Syngkon
(2) Vice President- Mr. Ionis Lyngdoh
(3) General Secretary- Mr. Kyrshan Rymbai
(4) Assistance General Secretary- Mrs. Dakaru Tang
(5) Treasurer- Mr. Pyrshang Biam
(6) Assistance Treasurer- Mr. Bahlam Sumer
(7) Publicity Secretary- Mr. Westcome Salahe
(8) Assistance Publicity Secretary- Mr. Shwari Ryngkhlem
La jied ruh sa 7 ngut ki Dkhot Executive Committee.
La pynskhem ruh ia baroh kiba wan iashim bynta ha kane ka meeting kum ki members ba pura jong ka seng. Kane ka long katkum ka kyrwoh ba la pyllait da u ma Kyrshan Rymbai, General Secretary ka seng.