Ka Kiang Nangbah Government College, Jowai mynta ka sngi ka 8 tarik u bnai Nohprah snem 2021 ka la ïoh ban rakhe ïa ka jingïoh Grade B ka jong ka na ka National Assessment and Accreditation Council (NAAC).
Ha kane ka sngi la ïoh ïa ki kyntien pdiang na i Principal jong ka College, i Dr. E M Blah, ha ka jingïadonlang u Deputy commissioner uba long ruh u Chairman bad u Advisory Committee jong ka College u Shri Garod LSN Dykes, u Deputy Director Dr. B.D. Cajee, Deputy Director ka DHTE, bah E.K. Mawkhiew, i Dr.S.R. Lyndem RUSA Consultant bad u Myntri ka tnad Pule puthi u bah Lahkmen Rymbui uba long ruh u Kongsan ha kane ka sngi
Na ka liang u Myntri ka tnad Pule Puthi jong ka jylla, u bah Rymbui haba ai jingkren mynta ka sngi u la ai khublei kyrpang ïa katei ka College Sorkar kaba nyngkong duh ba kan ïoh ïa katei ka kyrdan dei lyngba ka jingtrei shitom ki Nonghikai bad ki samla pule jong katei ka College.
U bah Lahknem u la ong ruh ban ïoh ïa katei ka kyrdan donkam ban don ka jingkit khlieh lang baroh namar ba man la u snem la hap ban pyndap halor ki rukom treikam baroh shi snem, u la ban ruh da kaba ong ba ka Kiang Nangbah Govt. College Jowai ka dei ka nongprat lynti ïa kiwei pat ki College kiba don hapoh ka jylla ban kin long ki ba trei shitom ban ïoh ïa katei ka kyrdan u la kyntu ruh ïa katei ka College ba kan nang ïai ïaleh shitom khnang ba kan ïoh ïa katei ka kyrdan ha man la u snem.
Ha katei ka sngi la ïadonlang ki samla pule jong katei ka College ban pynshit pynsyaid lang ha katei ka program bad ka long ruh ka program kaba iphuh iphieng katba ïa ki kyntien ai khublei la ïoh na ka kong SMF Blah nonghikai ka College.
