U District Magistrate, ka West Jaiñtia Hills District mynta ka sngi u la pynmih ïa ka hukum hapoh ka Section 144 CrPC. kane ka hukum ka la khang ban die ïa ki kynja jingpynbthei kum ki bom pataka kiba wan na shabar ri, la khang ruh ban pyndonkam ïa ki kynja jingpynbthei kiba pynmih ki jingsawa kiba khlaiñ bor kiba ktah ïa ki paitbah.
Kane ka hukum ka shah ban pyndonkam ïa ki kynja jingpynbthei tang kiba pynmih jingsawa kata 125dB (A1)or 145dB (C) Pk , lane kumba 4 meter eiei ka jingjngai ha ki jaka ba thang ïa ki bad kumba 100 meter eiei ka jingjngai na ki Hospitals, ki Nursing Homes, ki Primary bad District Health Care Centre, ki Educational Intuitions, ki Courts, ki jaka mane Blei bad ha ki jaka kiba la khang ban pynmih jingsawa lane ki Silent Zones.
Yn shah ban thang ïa kitei ki kynja jingpynbthei tang ha por 11.55 Pm haduh 12.30 Am ha ka por Khristmas bad snem thymmai.
U District Magistrate u la ong ruh ba tang kito kiba don lisen ki lah ban die ïa ki kynja jingpynbthei lane tang kito ki nongdie kiba la ïoh jingbit na ka ophis u Deputy Magistrate, ka West Jaiñtia Hills bad da ka jingmynjur lang ka Central Pollution Control Board.