Ka sorkar Meghalaya mynta ka sngi kala pyntreikam ia u number Helpline 1800-345-3644 na ka bynta ki nongshong shnong jong ka Meghalaya kiba don sha ri Bangladesh lada ki donkam jingiarap na ka daw jong ka iakhih hapoh ka ri Bangladesh kaba la jia mynta ka sngi.
Ki nongshong shnong jong ka Jylla kiba don ha ka ri Bangladesh ki lah ban phone ha u ne u Helpline 1800-345-3644 jong ka DIPR na ka bynta kino kino ki jingdonkam ne jingiarap ba kyrkieh.
Kum ban shu pynkynmaw ba kane ka jingiakhih ka la jia haba ki samla pule jong ka ri Bangladesh kila dawa ban ioh ia ka bhah thungkam thungjam hapoh katei ka ri da kaba pynlong ia ki jingpakhang ia u surok bah Azimpur. Halor kane ka jingiakhih kila don ki Pulit kiba la mynsaw kumjuh ruh da ki spah ngut ki samla pule kila mynsaw na ka jingshah siat da ki kuli jri ha ki Pulit. Ia kiba la mynsaw la leit ban rah sha ki jaka sumar bapher bapher.