U Bah Hamlet Dohling uba dei ruh u President jong ka Meghalaya Football Association (MFA) u la ioh ia ka kabu ban don bynta ha ka jingsam ia ki khusnam ba la ai da ka All India Football Federation (AIFF) ha nongbah New Delhi.
Ha kane ka jingsam khusnam la don ryngkat da u AIFF President Kalyan Chaubey, Vice President NA Haris, Treasurer Kipa Ajay, Acting Secretary General M Satyanarayan, Dkhot ka Executive Committee, Union Minister Youth Affairs & Sports, Dr. Mansukh Mandaviya, Parliamentary Affairs, Kiren Rijiju, u nongialehkai Olympic Yogeshwar Dutt, Rohit Rajpal bad kiwei kiwei.
U Lallianzuala Chhangte uba dei na ka jylla Mizoram u la ioh ban khur ia ka khusnam ‘Rangialehkai ba kynsai tam’ (men’s player of the year) mynta 2 sien lynter.
U Chhangte u la ioh ban thep 11 kol na ka bynta ka klob Mumbai City mynta ka samoi 2023-24.”Nga sngew ba ka long ka burom ban pdiang ia kane ka khusnam. Watla ngam lah ban don ha kane ka sngi hynrei nga phah ia ka jingkhublei na ka bynta u Myntri ba khmih ia ka kam ïalehkai jong ngi. Bad nga ainguh ia U Blei Uba U Trai jong ngi U Jisu Khrist na ka bynta ka jingialam, ka jingiada bad ki jingkyrkhu jong U. U dei ka daw ba nga don hangne. Nangta ia ka longīing jong nga kiba dei ki nongkyrshan ba radbah naduh ka sngi kaba nyngkong kynthup ia ki paralok bad ka longīing na ka klob Mumbai City bad baroh ki paralok jong nga kiba ïalehkai na ka bynta ka ri (national team), kane kam lah ban urlong lada khlem ka jingkyrshan jong phi baroh” ong u Chhangte.
Kum ban shu pynkynmaw na ka jylla jong ngi tang u Eugenson Lyngdoh uba la ioh ia kane ka khusnam kaba heh ha India ha u snem 2015. Ki nongjop khusnam mynta ka samoi ki long – Men’s Player of the Year: Lallianzuala Chhangte Women’s Player of the Year: Indumathi Kathiresan Promising Men’s Player of the Year: David Lalhlansanga Promising Women’s Player of the Year: Neha Men’s Coach of the Year: Khalid Jamil Women’s Coach of the Year: Sukla Dutta Referee of the Year: Ramachandran Venkatesh Assistant Referee of the Year: Ujjal Halder Most Successful MA (Club Competitions): Indian Football Association (West Bengal) Most Successful MA (NFC Competitions): All Manipur Football Association Best MA – Supporting Women’s Football: Punjab Football Association Best MA for hosting most AIFF competitions: Football Association of Odisha and Goa Football Association.
