Ka kynhun jong ka WJH Police XI ka ioh syndon ban rung sha ka Final hadien ba ka la lah ban pynliem ia ka Medical XI da 3-1 kol ha ka jingïalehkai phutbol Semi Final jong ki nongtreikam sorkar kaba la tip kum ka ‘8th U Kiang Nangbah Memorial Inter Office Football Tournament-2021’ ba la pynïaid da ka Meghalaya State Government Employees’ Federation Sports Committee Jaiñtia Unit kaba la long mynta ka sngi 9 tarik ha madan Kiang Nangbah Stadium Dongmihsngi Ladthadlaboh, Jowai.
Ha kane ka jingïakhun ka WJH Police XI pyrshah ïa ka Medical XI bad ka WJH Police XI kala la pynliem da 3-1 kol ïa ka Medical XI.
Haba phai sha ka jingïakhun hapdeng kine ki ar kynhun ha ka kylla step ka Medical XI kala ïoh ban thep kol nyngkong ha ka minit kaba 9 da u Nehlang Bareh, katba ka WJH Police XI kala lah ban pynphai ïa katei ka shikol haka minit kaba 19 da u Ram Dkhar bad ha ka minit ba 30 ka Police XI ka la ïoh biang ban thep ïa ka kol ba ar lyngba u Meker Suting.
Ha ka jingïakhun jong ka kylla miet ka WJH Police XI kala thep biang sa shikol ha ka minit kaba 82 da ujuh hi u player u Ram Dkhar bad jop syndon da 3-1 kol, da kane ka nam jop jong ka Police XI ka la ïoh syndon ban rung sha ka jingïakhun Final jong kane ka lympung mynta u snem.
Ka jingïakhun ‘Semi Final’ lashai ka sngi 10.12.2021 kan long hapdeng ka PHE XI pyrshah ïa ka 3rd MLP Battalion XI ha ka por 12 shiteng noh phai sngi.