Ka U.S. Consulate General Kolkata mynta ka sngi ka 7 tarik August da ka jingsngewsarong ka la pynkup burom ia ka United States Air Force Band Pacific, ha ka jingrwai ba pawnam kaba long ha ka sien kaba nyngkong eh ha nongbah Shillong ha ka 6-7 tarik u August.
Ka dei kawei na ki kynhun tem ba pawnam jong ka U.S. ha ka Indo-Pacific bad ki la pynlong ïa ki jingïalehkai ha ka Martin Luther Christian University, Ki la iakynduh ia ki khynnah skul kiba duna ka jingpeit na ka Bethany Society bad kiwei kiwei ki skul, ki nonghikai, ki nongtem, bad ki nongsngap.
Shuwa ba kin wan sha Shillong, kane ka kynhun tem ka la rwai ha ki Institute bapher bapher ha Nongbah Kolkata bad ha Guwahati.
Kane ka kynhun ka kynthup ia phra ngut ki nongtem brass kiba tbit kiba pyni ia ka dustur ba kyrpang jong ka jingrwai shipai. Ki thaw ia ki jingsngew kiba neh ha ki jinglehniam bad ki jinglehniam hapoh ki shnong ba kongsan jong ka U.S. bad shabar.
Ka jingrwai kaba jylliew jong ki ka kynthup ïa ki jingrwai tynrai jong ki shipai haduh ki jingrwai shuti bad ki jingrwai ba pawnam, kaba ailad ïa ki ban pynïadei bad ki nongsngap jong baroh ki rta bad ki kolshor.
“Ka jingrwai ka kren ia u pud u sam bad ka wanrah lang ia ki briew,” la ong ka Elizabeth Lee, ka Director jong ka American Centre Kolkata, da kaba ban jur ia ka jinka jong ka jingiasam ia ka kolshor, ban pynskhem ia ka kolshor bad ka jingiadei hapdeng ka ri America bad ka ri India.
Kane ka jingleit jngohkai ka long ka jingrakhe ia ki jinglong ba ngi iasam lang bad ia ka jingiadei paralok kaba neh hapdeng ki jaitbynriew jong ngi, la tip ia ka nongbah Shillong kaba riewspah ha ka kolshor bad ngi sngewkmen ban iasam khyndiat ia ka kolshor jong ka ri America hangne lyngba kane ka kynhun tem nar kaba san tylli.
Ka kynhun tem jong ki shipai suiñ jong ka ri America ka ju rwai 200 sien ha ka shisnem, bad ka poi sha palat 200,000 ngut ki briew. Kine ki la don ha ki ri bapher bapher, naduh ka India, Hong Kong, Vietnam, Indonesia, Singapore, Mongolia, Malaysia, Australia, New Zealand, Thailand, Taiwan, Philippines, bad Laos.
Kane ka jingleit jngoh ïa lai tylli ki nongbah sha India ka dei shi bynta jong ka jingthmu jong ka U.S. Consulate Kolkata ban pynroi ïa ka jingïadei kaba kham khlaiñ hapdeng ka ri America bad ka ri India lyngba ka jingïakylliang ha ka kolshor.
