Ki Dkhot ka KSU mynta ka sngi ka 8 tarik Nailar 2024 ki la leit ban tur biang sha ka Ophis treikam jong ka MPSC halor ka jingthok jong u chairman ban pyllait ia baroh ki marks jong ki candidate kiba îakhun ia ka Exam MCS haba u lah dep ban kular ha ka 1 tarik u Nailar 2024 sha ki nongialam jong ka seng.
Haba ai jingkren sha ki lad pathai khubor u President Rangbah Ka Seng KSU u Lambok Star Marngar u la ong ba ka jingwan ban ia khih pyrshah jong ka KSU sa shisien ha khmat jong ka MPSC, ka dei namar ka jingshukor jong u Chairman jong ka MPSC haba ha ka 1 Tarik u Nailar 2024 bad ki nongialam jong ka KSU monitoring cell, ha kaba u la kubur ban pyllait paidbah ia ki Mark jong ki khynnah hynrei tang ha ki katto katne sngi ka kylla noh ka pyrkhat pyrdaiñ jong u Chairman MPSC, da kaba ong ba kan ktah ia ka privacy jong ki khynnah.
Hynrei na ka Liang u Samla Lambok marngar u la ong ba ka seng haduh mynta kam pat sngewthuh ka privacy kaba kumno, namar ba ka seng naduh ka 5 tarik u April 2018 ka lah dep ban ia kren shai sha ka Sorkar ba ka thungkam thungjam lyngba ka MPSC ka dei ban long kaba khuid kaba suba.
U la ong ruh ba lada ka MPSC ka don ka jingkhuid jingsuba ha ka thung kam thungjam balei ka tieng bad kren kyllaiñ ia ki ban pyllait paidbah ia ki mark jong ki khynnah.
