Ka Indian Army FT ka la ioh 3 poiñ mynta ka sngi, ka 7 tarik Nailar ha ka jingïakhun pyrshah ia ka Assam Rifles FT jong ka group D.
Ha katei ka jingiakhun, ka Indian Army ka la lah ban pynliem da kaba suk ia ka Assam Rifles kaba khlem pat ïoh poiñ haduh mynta, kata haduh 3-0.
Lyngba kane ka jingjop ka Indian Army ka la ioh mar 6 poiñ bad ka Jamshedpur FC. Kine ki ar tylli ki kynhun kin iaknieh ban ioh jam sha shiliang bad ki donkam ban khur ia ka jingjop ha ka jingïakhun ba khatduh jong ki ha kane ka wat ba nyngkong (group stage).
Napdeng ka group D, ka Assam bad Chennaiyin FC kidei ki kynhun kiba la tikna ba ym ïoh rung shuh sha kawei pat ka wat jong kane ka lympung mynta ka samoi namar ki khlem pat ïoh poiñ hadien 2 tylli ki jingiakhun.
Ka Indian Army bad Jamshedpur kin ia aireng pyrshah ha ka 14 tarik mynta u bnai bad kawei na kine ki kynhun ki ban ioh ia ka jingjop ha katei ka sngi kin ioh ruh ban rung (qualify) sha kawei pat ka wat (round).