Ki nongialam ka Jaiñtia National Council JNC bad ka Jaiñtia Student Movement JSM ha ka 8 tarik u nailar 2025 kila leit ban iakynduh ia u Symbud Myntri Rangbah ka jylla u Bah Prestone Tynsong halor lai tylli ki mat jingdawa kiba na ka liang ki ar seng ki la buh.
Haba kren sha ki lad pathai khubor u President ka JNC u Bah Sambormi Lyngdoh u la ong ka jingdawa ba nyngkong kaba ki 2 seng ki la pynsngew sha ka sorkar ba kam dei ban ai jaka sah ia ki poiwir ha Jylla Meghalaya kum ba la jia ha ka thma 1971, ka jingdawa ba ar ka long ban buh noh ia ki Temporary check Post ha Jaiñtia Hills bad ha ki Border, namar ha Jaiñtia Hills ki bun bha ki shnong ba hap hajan ka Border Bangladesh kum ka shnong Borkhat ba hap ha East Jaiñtia, ka Shnong Muktapur ha West Jaiñtia, bad ka shnong Lakhroh namar ha kine ki shnong kim pat don ia ki check post, ka jingdawai ba lai ka long ba ki kyrpad ia ka Sorkar ba kan buh noh da ki helpline number na ka bynta kito kiba sah ha ki thaiñ Border area. Na ka liang u Home Minister u la ong ba da leilei um ailad ia kine ki poiwir ban ai jaka sah ha Meghalaya lait noh tang ia ki khasi Jaiñtia Garo kiba sah ha Bangladesh
