Ka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 8 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong kaba la long hapdeng ka Pateinki Sabah bad ka Luti tuber Ialong kila poi sha ka jingïakhaid da mar shikol (1-1), ïa ka kol na ka Pateinki Sabah la thep da u Mar oo Shylla haka minit ba 5 bad na ka liang ka Luti tuber Ialong la thep da u Pynkmaimi Phawa (own goal) haka minit ba 50.
Haka jingïakhun kaba ar ka Panaliar kala pynliem da 3-2 kol ïa ka Katholick Youth Mihmyntdu, ïa ki kol na ka Panaliar la thep da u Ram Passah haka minit ba 25 bad u Damehi Phawa haka minit ba 44 & 60, katba na ka Katholick Youth Mihmyntdu la thep da u Honesty Chyrmang haka minit ba 53 bad u Teilang Phawa haka minit ba 60+1.