Ka Khynroo Khyllood Committee Seiñraij Jowai ha kane ka 15 tarik kala rakhe ïaka sngi laitluid ka Ri India da kaba kynmaw burom ïa u Khlawait ka Ri, u Woh Kiang Nangbah.
Ïa kane ka prokram la pynlong ha Loom Moolikso ha ka jaka ba don u Mot Sahnam u Woh Kiang Nangbah, ïa ka jingïalang la pynïaid da ka Chairperson Committee ka Wandalan Dkhar, la ïoh ïa ka nguh ka dem da u Kamnipaia Challam bad ka jingkren na u President ka Seiñraij u ma H. Toi.
U President ula pynsngew ïaka jingïathuh khana ba lyngkot shaphang u Woh Kiang Nangbah bad ula ai mynsiem ïa ki samla ban bud ïa ka nuksa jong utei u Khlawait ka Ri-Lum Jaiñtia. Ula kyntu ruh ban long kiba ieit ïa ka Ri da kaba pynneh pynsah ïa ka Riti ka Dustur
Hadien kane ka prokram na Loom Mooliksoo, kila hiar ha trai jong u Loom Mooliksoo ha ka jaka ba don ka Mot-dur jong u Woh Kiang Nangbah bad la ai ka jingkren lyngkot na u Dolloi ka Elaka Jowai, u ma Puramon Kynjing.
La ïoh ruh ka jingkren na u General Secretary ka Seiñraij Jowai u ma Arwotki Sumer, katba ïa ki kyntien ai khublei la ïoh na u Sajon Ksiar Langdoh, Secretary KKC Seiñraij Jowai.
