U Deputy Commissioner jong ka West Jaintia Hills District u la pyntip ba kan don ka “Special vaccination Campaign jong ka jingai tika Covid-19 ha ka 20 bad 21 tarik u December 2021 ha ki bynta ba pher ba pher jong ka nongbah Jowai.
Kum ban shu pynkynmaw ba kumba long haduh mynta, hapoh ka District West Jaintia Hills la don 6815 ngut kiba la ngat ia kane jingpang Covid-19, bad na pdeng kine 168 ngut ki lah khlad.
Haba phai pat sha ka jingai tika iada Covid-19, kumba long haduh mynta ka jingai tika 1st Dose ka long tang 48.1% bad ka 2nd Dose ka long tang 33.9% ha ka District. Kumta kane ka long kaba dang duna bha ban ioh ia ka jingiada paidbah ba kyllum (Heard Immunity). Nalor kane, mynta ba lah plie ia ki iew ki hat, ki skul, ki ingmane, ki Fete shnong, la jan poi ka aiom Christmas bad u snem thymmai, ka long kaba donkam bha ban ai injek tika Covid-19 vaccination khnang ba nym pur shuh u ne u khniang jingpang Covid bad ba nym pynjari biang ia ka Lockdown hapoh ka District.
Ka Sorkar India lem bad ka Sorkar Meghalaya, ka ai ia ka lad ia baroh ban iada ialade lyngba kane ka tika. Kane ka tika ka long kaba bha bad ka bym don jingsniew ei ei ruh kaba ha lyndet.
Kumta u Deputy Commissioner u la kyrpad ia ki nongshong shnong ki bym pat dep ban ai ia ka tika ba kin sngewbha ban ia wan shakhmat ban ai tika ha ka 20 bad 21 tarik u December 2021 ha ki jaka ba la buh ban ai ia kane ka tika Covid-19.