Ki shipai BSF Meghalaya kiba la peit pyrman bha ha ki thaiñ khappud ban iada ia ka jingwan rung ki khar Bangladesh na ka daw ka jingiakynat kaba jur ha Bangladesh, ha kane ka 19.08.2024 ki la ioh ban kem ia lai ngut ki khar Bangladesh kiba thmu ban wan rung shapoh u pud u sam jong ka India lyngba ka West Jaiñtia Hills District.
Kine ki nong Bangladesh kiba la ioh ban kem ki dei ar ngut ki shynrang bad kawei ka khynthei ha kaba ki BSF ki la ioh ruh ban kem ia lai ngut ki nong India kiba iarap ban ialam lynti ia kitei ki nong Bangladesh.
Ia kitei ki nong Bangladesh kumjuh ruh ia kitei ki lai ngut ki nong India ki BSF ki la aiti ia ki sha ki Pulit ban leh ia kaba donkam.