La pynlong ia ka Seminar halor ka jingioh bad jingduh myntoi na ki AI

 Ka District Level Science Seminar halor ka phang “Artificial Intelligence: Potentials & Concerns” la pynlong mynta ka sngi ha Jaiñtia Eastern College, Khliehriat, East Jaiñtia Hills District. Ia kane ka prokram la pynlong da ka Ophis District School Education Officer, East Jaiñtia Hills District.

Ha kane ka Seminar la wan ban ïashim bynta shitrhem da ki samla pule na ki skul bapher bapher jong ka District.

Ha kane ka jinghikai kaba shisngi, ki samla pule ki la ioh ia ka jingbatai shai shaphang ki katto katne ki jingmyntoi bad jingduh myntoi jong ka teknoloji lyngba ki AI. Hadien kane ka prokram la sam ruh ïa ki syrnot sha ki nongjop bad ki nongjop ha kane ka seminar kiba kynthup ia ka Miss Cassandra Sutnga na ka Little Star Secondary School ka la ïoh ban khur ïa ka Khusnam Nyngkong, u Mr Edi Bosco jong ka Khliehriat Higher Secondary School ula wan ba ar bad ka Miss Tyngshainhaki Sympli jong ka Sacred Heart Secondary School ka wan ba lai.