Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kala sdang mynta ka sngi 21 tarik u Nailar ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka kynhun ïalehkai jong ka Nangbah Dukhu kala pynliem da 3-1 kol ïa ka Madan Kynsaw Mookyndeng, ïa ki kol na ka Nangbah Dukhu la thep da u Shanlang Thubru haka minit ba 3 & 46 bad u Rimi oo Susngi haka minit ba 49. Ïa ka kol na ka Madan Kynsaw Mookyndeng la thep da u Dangri Phawa haka minit ba 59.
Katba ha ka jingïakhun kaba ar ka kynhun ïalehkai jong ka Caroline Colony kala lah ban pynliem da 2-0 kol ïa ka Mupliang, ïa kitei ki kol na ka Caroline Colony la thep da u Gabrial Lakashiang haka minit ba 3 & 63.
************************