Ka seng Meghalaya People’s United Front (MPUF) sengkmie mynta ka sngi ka 23 tarik u August 202,4 ka la lah ban kner biang ki jingiarap sha kawei ka longkmie kaba la tip kyrteng ka kong Wansadaka Ksoo, kaba shong ba sah ha shnong Kyndong Tuber.
Ha kane ka sngi la iadonlang ki dkhot jong ka seng kiba kynthup naduh u President rangbah u D. Wanmi Laloo, General Secretary u samla Aimonbha Syad, Finance Secretary u Mainlip Lathong, Publicity Secretary u samla Hamwer Bhoi, Education Secretary u samla Chalbester Maria, Sports Organising Secretary u samla Phrangshwaki Suiam bad Heiyi Lpasan.
Hashwa shwa ban aiti ia ki tin sop ïing la ioh ka jingkren lyngkot na u President sengkmie u rangbah D. Wanmi Laloo bad la ioh ruh ka jingkren lyngkot bad ai khublei ia ka seng na ki trai ïing bad la aiti pat ia ki tin sop ïing sha ki trai ing.