U Snehankar Chakraborty uwei na ki Nongthoh khubor na Guwahati ryngkat bad arngut ki paralok jong u, ki la sdang ia ka jingñiah Cycle naduh ka 22 tarik Nailar na Guwahati shaduh Sohra.
Kane ka jingñiah cycle jong ki na kawei ka jaka sha kawei ka jaka, kum shi bynta ban ai ka jingpynshai paidbah halor ka jinglong jingman bad ka jingshongshngaiñ ki nongthoh khubor .
Ki arngut kiba shim bynta ha ka jingñiah cycle ki long u Santanu Moram uba dang dei u khynnah pule bad u Rambabu Thakur uba dei uwei na kiba sngewtynnad ban ñiah cycle.
Haba iakren sha ki lad pathai khubor mynta ka sngi ha Shillong Press Club, u Snehankar Chakraborty u la ong ba ka long kaba donkam ban don ka jingiatylli ban pynsngew ia ka sur na bynta ka jingdonkam ki nongthoh khubor kum ka bai bam tymmen bad ka bai life insurances.
U la ong ba katkum ka jingioh jingkheiñ jong u snem 2020, ki don palat 3000 ngut ki nongthoh khubor kiba la shah pyniap ha kylleng satlak ka pyrthei.
U la ong ba kumba 99 percent ki nonglum bad nongthoh khubor kiba shah pyniap kim shym la ioh ia ka jingithuh bad ka hok ia ka kam kaba ki la trei.
Ka jingsdang jong une u nongthoh Khubor ia ka kane ka kam niah cycle ka long ruh kum shibynta ban pynshai bad pynsngewthuh paidbah halor ka jingshah ktah ka suiñ bneng bad ka jingdonkam ban pyneh pynsah ia ka mariang ha ka pateng ban wan.