Ka jingneh u slap ha ki sngi bad taiew bala dep kala pynlong ia ka Wah Riangdo myn hynnin ka sngi ba kan shlei bad tap lut ia ki jaka ba madan. U slap uba la iai bteng naduh ka 1 tarik jong une u bnai bad naduh ka 20 tarik shaneng la iohi ia u slap uba jur bha wat haduh ka 27/08/2024.
Kane ka jingther jong u slap kala pynlong wat ia ka Wah Riangdo ba kan shlei bad pyndap um lut ia ki jaka shong jaka sah briew kiba kynthup ruh ia ki jaka iew da don dukan die jingdie ba bun jait.
Hynrei ha kane ka jingjia shlei um ym don satia kano kano ka jingjia ba sngewsih tangba ka la wan rah ka jingduhnong kaba khraw ia ki nongshong dukan ha ka iew Riangdo.
