Kum shi bynta jong ka jingrakhe ïa ka National Sports Day, ki bor pynïaid District jong ka West Jaiñtia Hills District ryngkat ka Ophis jong u District Sports Officer (DSO) WJHD ki la pynlong ïa ka jingïakop hapdeng ki skul bapher bapher ka District ia ki jingiakop kiba kynthup ia ki jingïalehkai tynrai, kum ka iatan tyllai (Tug of War) bad ka Dat Moopoin ha Kiang Nangbah Stadium, Jowai.
Ha kane ka jingiakop la pynlong na ka bynta ki khynnah kynthei bad shynrang. Ha ka jingïalehkai Dat Moopoin ha ka liang ki kynthei ka H.K Singh Secondary School ka la ïoh ïa ka kyrdan ba nyngkong, ka Kiang Nangbah Government Higher Secondary School ka la wan ba ar bad ka Q C Springside Higher Secondary School ka la wan ba lai. Katba ha ka liang ki shynrang pat ka Mihmyntdu RC Secondary School ka la ioh ia ka nam ba nyngkong, bud sa ka Marian Higher Secondary School (Science) kaba ar bad ka Jaiñtia Higher Secondary School kaba lai.
Ha ka jingiakhun ia tan tyllai, ha ka liang ki khynnah kynthei ka H.K Singh Higher Secondary School ka la ioh ia ka kyrdan kaba nyngkong, ka Jaiñtia Higher Secondary ka la ioh wan ba ar bad ka Marian Higher Secondary ka la wan ba lai. Ha ka liang ki khynnah shynrang, ka Jaiñtia Higher Secondary School ka la ïoh ban khur ïa ka nam lahduh, ha kaba ka Kiang Nangbah Government Higher Secondary School ka la ïoh ïa ka nam ba ar bad ka Marian Hills Higher Secondary School (Science) ka la ïoh ïa ka kyrdan kaba lai.
