Ka seng All Jaiñtia Muster Roll Workers & Labour Union ha ka 16/12/2021 ha ka jingialam ka Dayoo Lakai President, U Dapherborn N Suchiang General Secretary All Jaiñtia Muster Roll Workers & Labour Union, CEC, u Jerry Suting, President All Jaiñtia Mid Day Meal Workers Union, ka la ioh ia ka lad ban ia kynduh bad u D.P. Wahlang IAS, Additional Chief Secretary jong ka sorkar Meghalaya, ba peit ruh ia ka Education Department, ban pynpaw ia ki jingeh jong ki Casual/Muster Roll Workers ba trei ha Education Department bad kum juh ruh haba iadei bad ka jingpynheh ia ka bai nongsiew (Honorarium) jong ki Mid Day Meal Cook cum Helpers.
Na ka liang u bah Wahlang u la kular ban iarap ban pynioh ia ka hok jong iwei pa iwei I nongtrei bad ha ka jingiadei bad ka jingdawa jong ki MDM ruh u la ong ba yn sa shim ia ka rai bajanai bad kaba bhatam na bynta jong ki.
