Ka shnong Madanrwai kaba hap hapoh ka Elaka Raliang Laskeiñ Block, West Jaiñtia Hills Ditrict, ha kaba ki nong ialam shnong katei ka shnong kila pynpaw ia ki jingeh kiba khraw kiba ki ia kynduh ha ka jingiadei bad ka leit ka wan, ka bah ka kit na ka daw ka jingbym biang u surok uba la sniew shaba palat pud mynta da ki phew phew snem.
Kila iathuh ruh ba hashwa ban don ka Election ki nongmih khmat ki juh kular ban pynshna noh ia une u surok jong ki hynrei mar sien dep kano kano ka Election ym don shuh uwei ruh uba wam mih sha ka shnong jong ki. Kila pynpaw ruh kumba long mynta lada don kiba pang ba shitom ki hap ban bah ne kit ia kiba pang da ki briew. Na ka liang ki nongialam shnong ki kyrpad jur ia ka sorkar ba dei peit ia u surok bad khamtam ia u MLA ba dei peit ia ka thaiñ ban pynshna noh ia une u surok. Kane ka long kat kum ka khubor ba la phah da u ma Ciworning Sayoo Waheh Shnong bad u ma Rithmu Dhar Secretary Shnong Madanrwai.
