Ka ICAR-CTCRI kala pynlong ïa ka prokram ai jinghikai shaphang ki Improved varieties, technologies bad ka jingpynkhreh jingbam na ki jingthung poh khyndew kum ki phankaro, ki shriew, phandieng (tuber crops) kaba la long ha kane ka 3 tarik u Nailurr, 2024 haka shnong Jaidoh, West Khasi Hills bad haka 4 tarik u Nailur, 2024 la pynlong ha shnong Sohphoh, West Jaiñtia Hills ryngkat ka jingïatreilang bad ka ICAR Research Complex for NEH Region, Umiam, Meghalaya bad ki KVK, jong ki artylli ki District.
U bah Shanbha Rani, Joint Director jong ka tnad ka rep ka riang (Directorate of Horticulture), Shillong, Meghalaya ula long kum u Kongsan bad ula ai ka jingkren plie ha kane ka sngi. U Kongsan ula ban jur ïa ka jingdonkam jong ki programme jingpyni bad jinghikai halor ki jingthung poh khyndew (Tuber crops) na ka bynta ban kyntiew ïa ka ïoh ka kot jong ki nongrep riewlum ha ka jylla Meghalaya.
Ula ai ruh ka jingïaroh ïa ka jingpyrshang jong ka ICAR-CTCRI ban sdang ïa ki shnong pynmih symbai (Seed village). U Dr. Manas Ranjan Sahoo, Head, Crop Improvement; U Dr. R. Muthuraj, Principal Scientist bad u Dr. D. Jaganathan, Senior Scientist, ICAR-CTCRI bad u Dr. H.D. Talang, Scientist, ICAR Research Complex for NEH Region, Umiam, kila pynïaid bad ai ïa ka jinghikai halor ki phang bapher bapher shaphang ki jingthung poh khyndew (tuber crops).
Ki symbai jong ki jait jingthung poh khyndew (tuber crops) ba la pynbha ki kynthup ïa u Sree Jaya, Sree Pavithra bad Sree Reksha jong u phandieng & Sree Arun, Sree Kanaka, Bhu Sona bad Bhu Krishna jong u phan karo.
La sam sha ki nongrep na ka bynta ban sdang kum ki shnong pynmih symbai (Seed village). Kumjuh la sam ïa ki tiar ai jinghikai bad ki tiar rep. Ha kaba 155 ngut ki nongïashim bynta kiba kynthup ïa ki nongrep, ki nongseng kam seng jam bad ki sahep sorkar kila wan ban ïashim bynta ha kane ka prokram.
