Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 6 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Umtyra YWSC kala jop da 1-0 kol ïa ka Iapmala Wahshnong SC, ïa katei ka shikol kol na ka Umtyra YWSC la thep da u Winison Chyrmang haka minit ba 76.
Haka jingïakhun kaba ar ka Khliehriat East YWSC kala pynliem da 8-0 kol ïa ka Moopala SC, ïa ki kol na ka Khliehriat East la thep da u Firsterwell Dkhar haka minit ba 9, 29, 41 & 61, u Pyrshang Sutnga haka minit ba 24, u Nehlang Bareh haka minit ba 31, u Pyrshang Sutnga haka minit ba 36 bad u Ijuh Sympli haka minit ba 56.
Katba ha ka jingïakhun kaba lai hapdeng ka Umrasong SCC bad ka Nongthymme SC kila poi noh sha ka jingïakhaid da mar shikol (1-1), ïa ka kol na ka Nongthymme la thep da u Mewanjop Muksor haka minit ba 2. Ïa ka shikol na ka liang ka Umrasong SCC la thep da u Pormi Bareh haka minit ba 63.