Ki dkhot ka HYC mynta ka sngi ka 12 tarik Nailur 2024 ki la wan ban pyrshah habar jong ka Shillong Press Club ia ki Seng Jagat Guru Shankarachya Ji Maharaj ban pyntip sha ki lad pathai khubor, Shillong.
La sakhi ba ki Pulit kila don ha phyllaw ka Shillong Press Club kaba don ha Lachumiere naduh ka por 11 baje mynstep.
Haba kylli ki Pulit kila iathuh ba kane ka jingwan syrtap ia ka Shillong Press Club kadei hadien bala ioh jingtip ba ka seng ‘Jagatguru Shankaracharya Ji Maharaj’ kala pynbna ban kren sha ki lad pathai khubor halor ka jingialap ban sangeh bam Doh Masi.
Ki Pulit kila pyntip ba kila shim ia kane ka sienjam teh lakam ia ka huri hura ka ba lah ban mih namar ka HYC ka kwah ban ia kynduh ia ki nongialam ka ‘Jagatguru Shankaracharya Ji Maharaj.
Haba ia kren sha ki lad pathai khubor u Bah Roykupar u la ong ba ka jingwan jong ka HYC ha jan ka Shillong Press Club kam dei ban thaw jingkulmar hynrei kadei ban ia kynduh ia ki nongialam ka ‘Jagatguru Shankaracharya Ji Maharaj’ ban pynsngewthuh ba 95% ki nongshong shnong ka Meghalaya ki dei ki ba bam doh Masi.
U la byrngem ruh ba lada ka Sorkar Jylla ka shah ban pynlong Rally ialap khang bam Doh Masi, ka HYC ruh kan pynlong lang da ka Rally ha ka juh ka sngi ban lehkmen da ka ba bam Doh Masi.
