-Lyngba ka Penalty, liem ka Meghalaya ha ka Manipur-
Ka Myngken Higher Secondary school kaba la mihkhmat ia ka jylla sha ka lympung Subroto Cup jong ki khynnah kiba hapoh 17 snem ki la liem noh ha ka jingïakhun phainal pyrshah ia ka Skul Manipur lyngba ka penalty da 4-3 kol.
Ka jingïakhun katkum ka minit ba la buh, kata hapoh 90 minit, ka la kut noh da ka jingiakhaid da 1-1 kol hynrei lyngba ka jingïoh kabu da ka penalty, ka Manipur ka la ioh ban rah ia ka nam lahduh jong kane ka lympung Subroto Cup 2024.
Ka Meghalaya kaba la ïoh ia ka kyrdan ba ar kam shym la leit phai īing thylli hynrei uwei na ki snar ïalehkai na ka jylla, u Banpliebok Khongjoh uba dei ruh u khynnah ialeh na ka club Shillong Lajong (youth player) u la khur ia ka khusnam ‘Best Player’ ha kane ka lympung baroh kawei.
Watla ka Meghalaya ka la liem noh ha katei ka jingialehkai kaba khatduh, hynrei la ioh ia ka jingkyrshan bad ka jingai mynsiem jong ki paidbah, u Nongmihkhmat ka Umroi Constituency, Bah Damanbait Lamare, Sports officer ka Ri Bhoi Bah Bobby Nongbet bad kiwei kiwei.
