Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha kane ka sngi 16 tarik u Nailur ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Deinshalalu SC kala pynliem da 1-0 kol ïa ka Iongkaluh SCSC, ïa katei ka shikol la thep da u Shemphang Ksih haka minit ba 9.
Ha ka jingïakhun kaba ar hapdeng ka Musniang SC pyrshah ïa ka Sutnga Mission SSCC kila poi sha ka jingïakhaid da mar shikol 1-1. Ïa ka kol na ka Musniang SC la thep da u Mardi Rymbai haka minit ba 17, katba ïa ka kol na ka Sutnga Mission la thep da u Rilang Wahlang haka minit ba 2.
La pyntip ki kynhun kiba ïoh ban rung sha ka Quarter final ki long sa ka Deinshalalu SC na ka Pool D bad ka Sutnga Mission SSCC na ka Pool B.