Ka Friend United kala jop da 1-0 kol ïaka Monjurlang FC haka jingïakhun mynta ka sngi 16 tarik u Nailur haka lympung “8th Invitation Knock-out Football Tournament” ba la pynïaid daka Wahiajer Sport Cultural Club, West Jaiñtia Hills District ha madan Waiajer Multi Sports Complex.
Haba phai sha ka jingïakhun ïa katei ka shi kol naka Friend United la ïoh ban thep ïa ka da u rangïalehkai jong ka u Evelmon Nongspung haka minit ba 42.
Ha kane ka sngi ïaka nam Man of the Match la ïoh ban khur da u Dao Kharsati.
La pyntip ka jingïakhun ba bud kan long haka 21/09/2024 hapdeng ka Galaxy pyrshah ïaka 12 Daloi haka por 2 shiteng jong ka nohphai sngi.
***********************************