Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 20 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Nongthymme SC kala pynliem da 2-1 kol ïaka Teilang SSC Lummyrli, ïa ki kol na ka Nongthymme SC la thep da u Ebormi Sympli ha ka minit ba 37 bad ka Pyrshang Dkhar ha ka minit ba 52. Ïa ka kol na ka Teilang SSC Lummyrli la thep da u Moses Manner ha ka minit 61.
Haka jingïakhun kaba ar ka Moopyniein SCSO kala pynliem da 2-0 kol ïa ka Sein Khynroo SSC Umsatai, ïa kitei ki ar kol na ka Moopyniein SCSO la thep da u Ha-o-arki Siangshai haka minit ba 24 & 66.
Katba ha ka jingïakhun kaba lai ka Tuberkmai Shnong CSC kala pynliem da 3-1 ïa ka Cham Cham SSC, ïa ki kol na ka Tuberkmai Shnong CSC la thep da u Juhki Kyndait haka minit ba 23, u Coming Dkhar haka minit ba 56 bad u Kirat Phawa haka minit ba 74. Ïa ka shikol na ka Cham Cham SSC la thep da u Wikries Phawa haka minit ba 51.