Ki nongkitkam jong ka Meghalaya Body Builder & Fitness Association (MBBFA) ki la pyntip paidbah ha Shillong Press Club, ha kane ka sngi ki nongkitkam jong ka Association ki la rai ban pynlong ia ka Mr & Ms East India Body Builder ha ka sien ba nyngkong eh ha ka jylla bad kumjuh ia ka 19 Mr & Ms Body Builder Meghalaya ha ka 5 tarik Risaw 2024 ha St Anthony College Shillong Auditorium naduh ka por 10 baje haduh 7 baje janmiet.
Ia kane ka jing iakhun la iarap da ka Chief Minister Special Grant haduh 50 percent kat kum ka jing iathuh na liang ka kynhun. Ha kane ka jing ia khun baroh ka khusnam ban jop lah buh kum ba 4 lak tangka.
Na ka liang u President jong kane ka kynhun u bah Flagnagan Kharwanlang u khot u wer ia ki nongiashim bynta kylleng ka ri Khasi Jaintia kiba don shisha kata ka mynsiem ialehkai ban pyni la ka sap ka phong kaba ki don ba kin wan iashim bynta sha kane ka lympung ialehkai kaba heh ha ka sien kaba nyngkong jong Mr & Ms East India.
Ha kane ka jingiakhun ka bai rung ha Mr & Ms Meghalaya ymd on kam ban siew hynrei tang ia ki nong wan peit ki hap thied tiket. Ka kynhun ka la pyntip ruh ba kan jied ia ki player ba kynsai na kane ka jingialehkai ba kin mihkhmat sha ki lympung ba heh.