U President ka Meghalaya Pradesh Congress Committee (MPCC), u Bah Vincent H Pala , u la ong ba ka watla ka Congress ka la kyrshan ia ka TMC kum ka liang pyrshah hapoh ka ïing dorbar hynrei naka bynta ka Elekshon MLA shiteng samoi ha Gambegre constituency, ka Congress kan don kyrtong laka jong, bad Ka kan nym iatreilang bad kano kano ka Party ha kane ka ilekshon ban wan.
Haba kren sha ki lad pathai khubor u Bah Pala u la ong “watla ka Congress ka kyrshan iaka TMC ban ialam iaka liang pyrshah haka ïingdorbar thawaiñ Meghalaya, hynrei kane kam mut pat ba kan kyrshan iaka TMC haka ka Elekshon MLA shiteng samoi na Gambegre constituency”.Shuh shuh u la Ong ba naka bynta ka Gambegre Constituency, ka Congress kan iaid marwei bad kan nym iatreilang bad kano kano ka Party.
Haba iadei bad ka jingkam ka NPP ba ka Congress kan ym lah shuh ban khie khlieh ha Garo Hills , u Bah Pala u la ong “Kadei kaba shisha ba haki elekshon shiteng samoi, ka Party kaba don haka Sorkar kan pyndonkam beit daki bor Sorkar bad kala don ruh ki dak ki shin baka Sorkar kala pyndonkam bakla iaka bor ban jop ha kane ka elekshon shiteng samoi ha Gambegre”.
“Ki paidbah kila jied iaka Congress kan shong haka liangpyrshah, kampher katno tylli ki sengsaiñ pyrthei ki don haka liangpyrshah hynrei naka bynta ka bha ka miat ki paidbah bad ka Jylla, ka Congress kan kyrshan iaki party kiba rah iaki mat ba donkam” la ong biang u Bah Pala.