Ka Joint Action Committee hapdeng ka War Jaiñtia Students’ Union (WJSU) Central Body bad ka Federation of Khasi Jaiñtia & Garo People (FKJGP) War Jaiñtia Circle mynta ka sngi 21 tarik u Nailur, 2024 ki la shong ïa ka jingïalang (meeting) ha Amlarem halor ka issue kaba jia ïa ki para thaiñ ha Iintegrated Check Post (ICP) Dawki.
Ha kane ka jingïalang kine ki 2 seng kila shim ïa ka rai ban dawa weng noh ïa u Manager ka ICP hapoh ka 15 sngi kata naduh ka sngi nongkong jong ka 23 tarik September 2024 bad kan kut ha ka 7 tarik October, 2024.
Hadien ka jingïathir bad ïatai ñia bha la lap ba kine kiei kiei kiba jia ha ICP Dawki ki long tang na ka daw u Manager katei ka ICP. Ha kaba kitei ki ar seng kila pynrem jur kumno une u nongwei u wan ban pyndonkam bakla ïa ka bor jong u ban leh beiñ ïa ki para thaiñ.
Ka JAC ka la pyrkhat bha lada ym beh noh ïa une u briew ka lah ban shim kabu ïa ka thaiñ War Jaiñtia bad kan troiñ kat nang mih ki sngi ki ïa bad ki briew ba nabar kin ïoh lad ban ïuh kumba ïuh tdong biri.
Ka seng ka kyntu ïa ka sorkar ban weng mardor ïa une u briew ban lait na kano kano ka ka jingeh ha ki sngi ki ban dang wan, pynkut ka kyrwoh na u bah Jambok Lanong President ka WJSU bad u bah Bahshlur Mukhim President FKJGP War Jaiñtia Circle.