Ki kynhun nonghikai mynta ka sngi hapoh ka shatri jong ka Meghalaya SSA School Association (MSSASA) ki la pynlong Ia ka jingialang general executive council ban iamir jingmut haba iadei bad ka jingdawa pynkiew tulop na ka sorkar jylla bad kumjuh ban ithuh noh ia 12541 ki nonghikai SSA .
Ia kane la pyntip da u president ka meghalaya ssa schools association (mssasa)u Bah Aristotle C Rymbai hadien ba la wai ka jingialang general executive council .
u la pyntip ruh ba ka tnad pule puthi kan sa rah Ia kane ka mat ha ka kynhun myntri haba iadei bad kine ki artylli ki mat kiba na ka liang ka kynhun ka la dep pynsngew sha u Director ka tnad pule puthi bad kumjuh sha u Commissioner & Secretary ka tnad pule puthi ha ki bnai ba la dep ban ai jingithuh noh ia ki bad ban pynkiew noh ia ka tulop jong ki nonghikai.
U Bah Aristotle u la iathuh ba ki mat ba iadei bad ka jingdawa ban pynkiew tulop bad ban pynlong ryntih ia ka jingshakri jong ki nonghikai SSA la rah ha kane ka jingialang jong ka GEC.
“Hadien ka jingïakren kaba la neh la jan 3 kynta, ngi la rai da kawei ka sur ban jied iaka jingioh jingithuh ïa ki jingshakri jong ngi bad ngi la rai ban rah ïa kane ka mat ha ka jingïalang bah jong baroh ki nonghikai ssa ha ka 2 tarik Risaw ha Madan Student, Jaiaw ha ka por 11 baje mynstep.
Kumta ngi kyrpad ïa baroh ki nonghikai ssa ba kin ïa poi sha katei ka jingïalang khnang ba ngin lah ban shim ïa ka rai kaba khatduh halor kane ka kam.
