Kawei ka long kmie ka la antad ba ka kyrteng jong ka kadei ka Bironika Dkhar, na ka shnong Phramer, la suba ba ka la khlad kyndit katba ka dang shong ap kali ban leit shim dawai sha Civil Hospital Ialong, hadien ba kala kyllon katba dang ap kali.
Kane ka jingjia kala jia mynta ka sngi ha ka por kum 1:00 tam ei ei bad da kane ka por ba jia kane ka jingjia la synran lang ia ka da uwei u rangbah. Une u rangbah ula iathuh ba ka dei ka briew kaba u ithuh ithaw bha. La ong ba ka ju don ka jingpang bhur, kumta ka shait khiepang ring man ka por. Ula iathuh ba ka lah ban dei na ka jingtlot palat na ka jingbym biang ka bam ka dih ka la Kem pang jur.
Une u rangbah ula iathuh ba u la thmu ban ialam ia ka sha Ialong Civil Hospital Ialong na ka bynta ban leit thiah Hospital. Kila shong ap kali ha jan Lad Mookurdup, pyrshah ka Gate ophis SDSEO, Jowai. Hynrei katba dang ap kali kane ka longkmie kala kyllon bad khlem tip briew shuh hahud ba la wan shimti ki Pulit.
Haduh ba thoh ia ka khubor ki Pulit na ka Women Cell jong ka Jowai PS kila wan ban shimti ia kane ka longkmie ban leit kit sha Hospital. Na ka liang ki bor Doctor ym shym la don ba wan poi bad ym pat lah pynthikna la ka khlad duh ne em.
La iathuh ba kane ka long kmie ka juh trei ia ka kam pyllang plastik bad bitor.
