U wei u samla khasi uba kyrteng u Welkinstone Shadap u la pyntip paidbah mynta ka sngi ha Shillong Press Club ba un iaid da ka kjat na Itanagar sha Shillong.
Haba kren bad ki lad pathai khubor une u samla u la pyntip paidbah ba u thmu ban iaid da ka kjat na Itanagar sha Shillong kum shibynta ban rah ia ka khubor pyrshah ia u Drugs ban sdang naduh ka 30 tarik Nailur 2024.
Une u samla u la iathuh ba u la iaid teng da ka kjat na Guwahati sha Shillong bad kumjuh na Nongstoiñ sha Shillong bad kane ka dei ka sien ba nyngkong ba un iaid kjat shabar ka Jylla bad kane ka jingiaidkjat jong une u samla ka kynthup kumba 50 km ha ka shisngi bad yn pyndep haduh 8sngi lait noh ha ka sngi u Blei.
