Ki dkhot jong ka Hynniewtrep Intergrated Territorial Organization (HITO) West Jaintia Hills ha ryngkat ka jingsynran lang jong ka sengkmie mynta ka sngi ha ka janmiet jong ka 23 tarik ki la wan iakynduh ia u myntri ba dei peit ia ka tnad transport u ma Sniawbhalang Dhar haba iadei bad ka Meghalaya Transport Corporation ha Jowai.
Haba kren sha ki lad pathai khubor u president jong ka HITO West Jaiñtia u Samla Ajidius Satein, u la pyntip ba ka jingwankynduh jong ka seng ka dei halor ka jingsuki treikam bad ka jingbym biang jong ka Meghalaya Transport Corporation ha Jowai naduh ka building, ka kynroh , ki nongtrei , ki jaka lum ticket bad kumjuh ka jingpyniaid ia ki bus na Jowai sha Khanduli bad kumjuh na Jowai sha Saipung la bun bun snem haduh mynta kim shim la treikam satia haduh kine ki sngi.
Na ka liang u President u pynpaw ba ka jingkynduh bad u myntri ka long kaba seisoh bad na ka liang u ma Sniawbhalang Dhar u kular ba un mang kyrpang ban pynbha bad pynioh ia ki jingdonkam baroh ha ba iadei bad ka MTC ha Jowai na ka bynta ka jingbha jong ka ri lum jaintia baroh kawei kumjuh ruh ia ki paidbah ka thaiñ Jaiñtia baroh kawei.
