Ka ophis jong u District Sports Officer (DSO), West Jaiñtia Hills District ryngkat ka jingïatreilang bad ka West Jaiñtia District Sports Association (WJDSA) kin pynlong ïa ka Open Volleyball Championship – 2024 na ka bynta baroh ki Shynrang bad Kynthei ha u bnai October 2024.
Ha kaba ïadei bad kane, ka phis u DSO bad WJDSA ki khot ia baroh ki Sports Club, ki Skul, ki College, bad kiwei kiba hapoh ka West Jaiñtia Hills District ban ïashim bynta ha kane ka Tournament. Ia ka tarik ba khatduh ban pdiang iaka entry kan long ha ka 9 tarik October, 2024.
La kyrpad ïa kiba kwah ban ïashim bynta ban shim ia ka entry form na ka ophis jong u DSO bad WJDSA katba ia ka tarik bad ka jaka ban pynlong ia katei ka lympung yn sa pyntip pat kham hadien.