Ka Synjuk Ki Nongniah Taxi (Sor bad Khapsor) ha ryngkat ki Pulit Enforcement ka Khasi Hills Autonomous District Council (KHADC) ha ka 25 tarik u Nailur, 2024 ki la pynlong ïa ka jingkhynra labour license na ki nongniah kali kamai kaba la sdang naduh Rynjah, Nongmengsong, Laitumkhrah bad Happy Valley.
Ha kane ka jingleit khynra, la lap ia ki 150 tam ki kali kamai ki bar jylla bym don license bun ki kali kidei kiba la long trai da ki trai jylla hynrei kiba la ai wai pat sha ki bar jylla.
Haba kren sha ki lad pathai khubor, u bah Pynsuk Youroi, General Secretary, u la ong ba ka jingïoh kamai beaiñ ki bar jylla kadei namar ka jingbym kit khlieh ki trai kali bad ka jingbym pynlong ka KHADC ïa ka jingkhynra na ka por sha ka por.
U la ong ba kane ka jingkhynra ruh ka la urlong hadien ka jingpynbor ka seng ki nongniah taksi.
