Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 26 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Lumshnong YWSC kala pynliem da 5-0 kol ïa ka Shiborlang SC Pynthorsale, ïa ki kol na ka Lumshnong YWSC la thep da u Justin Niang haka minit ba 9, u Duniwan-o- Mukhim haka minit ba 15, u Evening Pohshna haka minit ba 65, u Pynshe Syrti haka minit ba 68 bad u Arniki Suchiang haka minit ba 73.
Ha ka jingïakhun kaba ar ka Lakadong Ummat SCC kala pynliem da 2-1 kol ïa ka Bataw FC, ïa ki kol na ka L. Ummat la thep da u Ebormi Lyngdoh haka minit ba 65 bad u Firstomi Chadong haka minit ba 69. Ïa ka shikol na ka Bataw FC la thep da u Wellson Lyngdoh (Own Goal) haka minit ba 48.
Katba ha ka jingïakhun kaba lai ka Ryntihlang SC Brichyrnot kala pynliem da 1-0 kol ïa ka Musniang DWKSC, ïa katei ka shikol na ka Brichyrnot la thep da u Thomas Massar haka minit ba 40.
Kitei ki lai kynhun kiba la jop mynta ka sngi kila ïoh ban rung sha ka Round 16 jong kane ka lympung 3rd Division Football Tournament mynta u snem.