Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 27 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Umrasiang Utd SC kala pynliem da 3-0 ïa ka Pynurkba Christian SC, ïa ki kol na ka Umrasiang Utd la thep da u Unsaai biang Dkhar haka minit ba 4 & 19 bad u Nishwa Muksor haka minit ba 68.
Ha ka jingïakhun kaba ar ka Wapungskur SSWO kala pynliem da 2-1 kol ïa ka Dkhiah East SC, ïa ki kol na ka Wapungskur SSWO la thep da u Pynshemi Siangshai haka minit ba 34 bad u Miesly Ryngkhlem haka minit ba 61. Ïa ka shikol na ka Dkhiah East SC la thep da u Wan-o- Nongtdu haka minit ba 24. Lyngba kane ka jingjop ka Wapungskur SSWO kala ïoh ban rung sha ka Round 16 jong kane ka Tournament.
Katba ha ka jingïakhun kaba lai ka Nongsning Youth SSC kala pynliem da 1-0 kol ïa ka Iapmala Wahshnong SC, ïa katei ka shikol na ka Nongsning Youth SSC la thep da u Knermiki Siangshai haka minit ba 75.